Европийн хөлбөмбөгийн холбооны /UEFA/“Аваргуудын лиг”-ийн тэмцээний 2013-2014 оны улирлын хасагдах шатны сугалаа Швейцарийн Нионхотноо боллоо. Сугалаа ёсоор Английн “Манчестер Сити” Испанийн Каталон үндэстний бахархал “Барселона” багтай учраа таарлаа. Тун ширүүн тоглолт болно. Английн “Манчестер Сити” “Аваргуудын лиг”-ийн хасагдах шатад анх удаа шалгарсан. Гэсэн ч “Манчестер Сити” энэ жил тун давгүй тоглож байгаа юм. Харин “Барселона” энэ тэмцээнд дөрвөн удаа түрүүлсэн туршлагатай.

Мөн Английн “Арсенал” өнгөрсөн жилийн “Аваргуудын лиг”-ийн аварга Германы “Байерн Мюнхен” багтай таарлаа. Бас сонирхолтой тоглолт болно. Өнгөрсөн жил энэ хоёр баг мөн л учраа таарч, “Байерн Мюнхен” хожиж байсан юм.

“Челси” Туркийн “Галатасарай” багтай сугалаа таарсан. “Челси” “Галатасарай” багтай тоглох нь төдийлөн чухал биш. Харин “Челси” багийн домогт хөлбөмбөгч Дидие Дрогба “Стэнфорд Бриж” цэнгэлдэхдээ, үнэнч хөгжөөн дэмжигчдийнхээ өмнө хэрхэн тоглох ньсонирхол татаж байна.

“Аваргуудын лиг”-ийн хасагдах шатны тоглолтуудирэх 2014 оны хоёрдугаар сарын 18,19 болон 25, 26-ны шөнө болно. Хариу тоглолтууд гуравдугаар сарын 11,12 болон 25,26-ны шөнө болно. Ингэснээр шөвгийн найман багийн нэр тодорно. Шөвгийн найман баг дахин сугалаа татаж, тэмцээнээ үргэлжлүүлдэг учиртай. 2013-2014 оны “Аваргуудын лиг”-ийн шигшээ тоглолт Португалийн нийслэл Лисабон хотод болно.

Сугалаа таарсан байдал:

Манчестер Сити /Англи/ – Барселона /Испани/
Олимпиакос /Грек/ – Манчестер Юнайтед /Англи/
АС Милан /Итали/ – Атлетико Мадрид /Испани/
Байер Ливеркузен /Герман/ – Парис Сэйнт Жермен /Франц/
Галатасарай /Турк/ – Челси /Англи/
Шальке 04 /Герман/ – Реал Мадрид /Испани/
Зенит /ОХУ/ – Борусия Дортмунд /Герман/
Арсенал /Англи/ – Байерн Мюнхен /Герман/