Их Британы ВВС мэдээллийн агентлагын спортын оны онцлох тамирчнаар Энди Мaррей шалгарсан байна.

Талбайн теннисний нэрт тамирчин Энди Мaррей энэ жилийн “Уимблдон”-ы шигшээд шалгарч, улмаар тухайн үед /долдугаар сард/ дэлхийн манлай теннисчин хэргэмийг эзэмшиж байсан Сербийн Новак Жоковичийг хожиж, түрүүлсэн юм. (видеог хавсаргав.) Түүний хувьд Их Британи тамирчин эрэгтэйчүүдийн ганцаарчилсан төрөлд аваргалаагүй байсан 77 жилийн түүхэн цувралд цэг тавьсан юм. Өнгөрсөн жилийн төгсгөлд “Америкийн нээлттэй тэмцээн”-нд түрүүлж, “Их дуулга”-ын анхны түрүүгээ хүртсэн Энди Мaррей энэ жилийн “Австралийн нээлттэй тэмцээн”-ий шигшээд шалгарсан ч “Уимблдон”-нд шилдэг нь байж түрүүлсэн юм. Тэрбээр энэхүү түүхэн амжилтаараа энэ оны BBC оны тамирчнаар шалгарлаа.

Энди Маррей ATP чансааны дөрөвт бичигдсэн амжилтаар энэ улирлыг үдэж байна. АТР чансааг Испаний Рафаэль Надаль тэргүүлж, Сербийн Новак Жокович удаалсан бол Испанийн Давид Феррер гуравт бичигджээ. Аргентиний Хуан Мартин дел Потро амжилтаараа тавд бичигдсэн байна.