“Blue moon арт” галерейгаас уран бүтээлчдийг дэмжих зорилгоор цуврал үзэсгэлэн зохион байгуулж буй. Тав дахь удаагийн үзэсгэлэнг “График зураг ба дижитал арт” нэртэйгээр зохиосон. Үзэсгэлэнд 30 гаруй уран бүтээлч 80 орчим бүтээлээр өрсөлдлөө.

“Blue moon арт” галерейн Удирдах зөвлөл нийт ирүүлсэн бүтээлээс таван бүтээлийг сүүлийн шалгаруулалтад өрсөлдүүлж шилдгийг тодрууллаа. Шилдгээр Э.Сайнхүүгийн "Чимээгүй үгтэй хүсэл" бүтээл тодорч, “Blue moon арт”  галерейн гүшүүн болох эрх болон 2014 онд бие даасан үзэсгэлэнгээ гаргах эрх, үнэ бүхий зүйлсээр урамшууллаа.