Европийн хөлбөмбөгийн холбооны /UEFA/ “Аваргуудын лиг”-ийн тэмцээний хасагдах шатны сугалаа өнөөдөр 19:00 цагаас /Улаанбаатарын цагаар/ Швейцарийн Нион хотноо болно. “Аваргуудын лиг”-ийн журам ёсоор хэсгийн шатанд эхний хоёр байраар шалгарсан 16 баг хасагдах шатанд шалгардаг. Хасагдах шатанд хэсгээ тэргүүлсэн найман баг бусад хэсгийн хоёрдугаар байраар шалгарсан багаас сугалж, өрсөлдөгчөө тодруулдаг. Сугалаа тодорсны дараа багууд ирэх 2014 оны хоёрдугаар сарын 18,19 болон 25, 26-ны шөнө хасагдах шатны тоглолтоо хийнэ. Хариу тоглолтууд гуравдугаар сарын 11,12 болон 25,26-ны шөнө болно. Ингэснээр шөвгийн найман багийн нэр тодорно. Шөвгийн найман баг дахин сугалаа татаж, тэмцээнээ үргэлжлүүлдэг учиртай. 2013-2014 оны “Аваргуудын лиг”-ийн шигшээ тоглолт Португалийн нийслэл Лисбон хотод болно.

Хэсгээ оноогоор тэргүүлсэн баг:

• Манчестер Юнайтед /Англи/
• Реал Мадрид /Испани/
• Парис Сэйнт Жермен /Франц/
• Байерн /Герман/
• Челси /Англи/
• Борусия Дортмунд 
• Атлетико Мадрид /Испани/
• Барселона /Испани/

Хэсгээс хоёрдугаар байраар шалгарсан баг:

• Байер Ливеркузен /Герман/
• Галатасарай /Турк/
• Олимпиакос /Грек/
• Манчестер Сити /Англи/
• Шальке 04 /Герман/
• Арсенал /Англи/
• Зенит /ОХУ/
• АС Милан /Итали/