ЮНЕСКО Монголчуудын оюуны болоод урлагийн үнэт өв болох есөн эрдэнээр урласан “Ганжуур” судрыг “Дэлхийн баримтат өв”-д бүртгэх шийдвэрийг өнгөрсөн арваннэгдүгээр сард гаргасан юм. Энэ үеэр тус байгууллагын Ерөнхий захирал Ирина Бокова Гадаад харилцааны сайд, ЮНЕСКО-гийн Монголын үндэсний комиссын дарга Л.Болдод “Есөн эрдэнийн Ганжуур” судрын “Дэлхийн баримтат өв”-д бүртгэгдсэн гэрчилгээг гардуулан өгсөн.

Энэ гэрчилгээг Гадаад харилцааны сайд Л.Болд Үндэсний төв номын сангийн Үнэт ховор номын музейд өнгөрсөн баасан гаригт хүлээлгэн өглөө.