Ардчилсан намын байранд Дарханы ардчилсан намын зарим гишүүдийн суулт дөрөвдэх өдрөө үргэлжилж байна. Тэдгээр гишүүд энэ оны 11 сарын 18-нд хуралдсан Хяналтын ерөнхий хорооны 02 тоот тогтоолыг хэрэгжүүлж өгөхийг АН-ын удирдлагуудаас шаардаж буй бөгөөд “Хувьчлагдсан ардчилал Дарханд байна” “Ардчилал Бурхан Халдун компанийн өмч биш” “Ардчилсан нам бизнесийн хэрэглүүр биш” гэх зэрэг лоозон барьцгаасан байх бөгөөд анхан шатны сонгуулийг үүрүүдэд явуулж Дарханы ардчилсан намыг шинэчлэхийг шаардаж буй аж.