БНХАУ-ын Бээжин хотноо World Mind games болж байна. Энэ сарын 12-нд эхэлсэн тус тэмцээнд оюуны спортын дөрвөн төрөл болох шатар, даам, го даам болон бридж төрлөөр дэлхийн шилдэг тамирчид өрсөлдөж буй. Нэг сая еврогийн шагналын сантай тус тэмцээнд Монгол улсыг төлөөлөн ОУХМ, гавьяат тамирчин Д.Эрдэнэбилэг оролцож байна. Д.Эрдэнэбилэг эхний өрөгтөө Германы их мастер В.Вирныйтэй тэнцээ хийсэн байна.

Даамын төрөлд эмэгтэй 12, эрэгтэй 16 тамирчин өрсөлдөж байна. Тэмцээн энэ сарын 18-нд өндөрлөнө.

Д.Эрдэнэбилэг энэ оны Азийн аваргаас мөнгөн медаль хүртэж, дэлхийн аварга шалгаруулах тэмцээнд шилдэг 40 тамирчнаас шигшээ 12-т багтсан амжилтыг үзүүлсэн. Тиймээс тэрбээр тус тэмцээнд оролцох эрхийг авчээ.