Интернэтийн акул Google компани Азид анх удаа өөрийн дата төвөө нээсэн тухайгаа зарлажээ. Азийн олон орнуудын интернэт хэрэглээ асар хурдацтай өсөж байгаатай холбогдуулан ийнхүү Тайван, Сингапурт өөрийн хоёр шинэ дата төвөө байгуулжээ.

Хятад улс нь Азийн хамгийн том зах зээл бөгөөд интернэт хэрэглэгчдийнх нь тоо 500 сая даваал байгаа аж. Харин хоёрдугаарт Энэтхэг улс бичигдэж байгаа ба интернэт хэрэглэгчдийнх нь тоо 200 саяд хүрчээ.

Бусад орнуудын интернэт хэрэглэгчдийн тоо ч асар хурдацтай өсч байгаа учраас дээрх дата төвүүдийг байгуулснаар хэрэглэгчдэд хүрэх интернэтийн хурд, аюулгүй ажиллагаа бүрэн хангагдана хэмээн үзэж байгаа аж.