Будант Альбионы нийслэл Лондон хотноо энэ сарын 7-нд эхэлсэн 5th London Chess Classic FIDE Open олон улсын тэмцээнд Монгол Улсаас Гавьяат тамирчин, Их мастер Б.Хатанбаатар /улсын найман удаагийн аварга/, 86-р сургуулийн сурагч Ц.Бат-Эрдэнэ /13 настай/, Т.Буяндалай нар оролцож байна.

Тэмцээнд нийт 191 шатарчин өрсөлдөж буй бөгөөд одоогоор тус тус таван өрөг тоглоод байгаа юм. Таван өргийн дараах байдлаар Их мастер Б.Хатанбаатар 3 оноо /2 хожил, 2 тэнцээ/-той 37-р байрт яваа бол Ц.Бат-Эрдэнэ 2, Т.Буяндалай 1,5 оноотой байна.

Тэмцээн энэ сарын 15-нд өндөрлөнө.