Өнгөрсөн жилийн аваргуудын лигийн аварга болж, Германы түүхэнд трипл цом авсан анхны баг болсон Байерн Мюнхенчүүд талбай дээрээ английн Манчестер Ситиг хүлээн авсан ч 3:2-ын харьцаагаар хожигдлоо. Тоглолт уг нь эздийн талд эхэлсэн. Тоглолтын тав дахь минутад эзэн багийн Томас Мюллер, Дантегийн дамжуулалтаар гоолдсон бол ердөө долоохон минутын дараа тоглолтын 12 дахь минутад Марио Гёце гоол оруулж 2:0-ийн харьцаагаар хошуучилж эхэлсэн юм. Харин тоглолтын 28 дахь минутад зочин багийн итгэлийг Жеймс Милнерийн дамжуулалтаар, Давид Сильва эргүүлэн авчирсан аж. Эхний хагас эздийн хошуучлалаар дууссан хэдий ч хоёрдугаар үеийн 59 дэх минутад зочин багаас Александр Коларов торгуулийн цохилтоор тооны харьцааг тэнцүүлсэн байна. Ердөө гуравхан минутын дараа зочин багаас хожлын гоолыг Жеймс Милнер оруулсан юм. Энэ удаад түүнд гоолын дамжуулалтыг, энэ зуны солилцоо наймааны үр дүнд Ситизений эгнээнд нэгдсэн Хисус Навас өгсөн байна. “Бид эргэн ирлээ. Өнөөдрийн тоглолтод бид илүү байлаа. Тоглолтыг бид тааруу эхлүүлсэн ч чадварлаг тоглолтынхоо хүчинд хожиж чадлаа” гэж Манчестер Ситигийн ерөнхий менежер Пеллегрини ярьжээ.

Ситинзений хэсгийн нөгөө тоглолтыг Оросын ЦСКА Москва клуб, Чехийн Викториа Плзен клубтэй хийж 2:1-ийн харьцаагаар эзэн баг Плзений ялалтаар өндөрлөжээ. А группийн фаворитоор нэрлэгдэж байсан улаан чөтгөрүүд Украйны Шахтёр Донецктай таарч Фил Жонесийн гоолоор Манчестер Юнайтедчүүд ялалт байгуулсан бол тус группийн өөр нэг баг болох Германы Байер Ливеркюзен Реал Сосиедадыг Омер Топракын ганц гоолоор буулган авсан байна. Харин эзэн хааны Реал Мадрид клуб Белгийн Копенгагеныг Модрич, Роналду нарын гоолоор буулган авсан юм.

Өнөө шөнө 00:30 цагаас үлдсэн хэсгийн тоглолтууд болох бөгөөд өнгөрсөн тойргийн тоглолтод Челсиг буулган авсан Базелчууд Шалькегийн талбайд зочлон тоглоно. Мөн Туркийн Галатасарайчууд талбайдаа Италийн аварга Ювентусчуудыг хүлээн авах юм.

Өнгөрсөн шөнө болсон тоглолтуудын дүн:

Манчестер Юнайтед 1-0 Шахтёр Донецк

               67’ Фил Жонес

Реал Сосиедад 0-1 Баейр Ливеркюзен

                                          49’ Омер Торпак

Копенгаген 0-2 Реал Мадрид

                          25’ Лука Модрич

                           48’ К.Роналду

Бенфика 2-1 Парис Сейн Жермэйн

45’ Лима /пен/                       37’ Э.Кавани

58’ Н.Гайтан

Олимпиакос Пираеус 3-1 Андерлехт

33’ , 58’ Х.Савиола                  39’ С.Клиестан

90’+5 А.Домингез

Баейрн Мюнхен 2-3 Манчестер Сити

5’ Т.Мюллер                       28’ Давид Сильва

12’ М.Гёце                         59’ А.Коларов /пен/

                                        62’ Ж.Милнер

Викториа Плзен 2-1 ЦСКА Москва

76’ Д.Колар                             65’ А.Муса

90’ Т.Вагнер