Ирэх оны төсөв хэлэлцэж байх үеэр  ДНБ-д эзлэх өрийн хэмжээг 60 хувь болгоё гэсэн саналыг Сангийн яамнаас оруулж ирсэн. Гэсэн ч уг саналыг цөөнхийн бүлгээс хүлээж аваагүй юм. Гэхдээ Засгийн газрын зүгээс “2014 онд ДНБ-ий 40 хувиас хэтрэхгүй байх”-аар тогтоосныг “60 хувь” болгон өөрчлөх “Төсвийн тогтвортой байдлын тухай хуулийн 19.3-т өөрчлөлт оруулах төсөл”-ийг дахин УИХ-аар хэлэлцүүлэхээр оруулж ирэх гэж байна. Энэ талаар Сангийн яамны сайд Ч.Улаан хэлэхдээ улсын өрийг ДНБ-ийн 60 хувьтай тэнцүүлснээр өрийн дарамт учрахгүй.  Хэрэвзээ 60 хувь болгон нэмэгдүүлэхгүй бол хөгжлийн хөрөнгө оруулалт хийгдэхгүй” гэсэн юм. Хөгжлийн томоохон төслүүдийг хэрэгжүүлэх, эдийн засгийн тэлэхийн тулд улсын өрийн ДНБ-ийн 60 хувьтай тэнцүүлэх шаардлагатай гэж  тэрбээр үзэж байгаа аж.