Боловсрол, шинжлэх ухааны сайд Л.Гантөмөр “Хүүхэд өөрөө хөтөч” заах арга зүйн технологийг хэрэгжүүлж буй 58, 71 дүгээр дунд сургуулийн бодит байдалтай танилцахаар гэнэтийн шалгалт хийжээ. Шалгалт ирнэ гэх сургаар сургуулиуд үүнд зориудаар бэлтгэж, бодит үр нөлөөг мэдэхэд бэрх болдог. Тиймээс сургалтын арга барилын нөхцөл байдлыг судлахаар ийнхүү гэнэт очиж танилцан, цаашид хэрэгжүүлэх санаа, шийдлийг багш, ажилтнуудтай ярилцсан байна. 

Одоогоор “Хүүхэд өөрөө хөтөч” технологийг 40 сургуульд туршилтын байдлаар хэрэгжүүлж буй бөгөөд хүүхэд нэг бүрийг хөгжүүлэх цогц арга барил нэвтрүүлэхийг зорьж байгаа ажээ. Нэг хэсэг боловсролын олон улсын систем, технологийг “нутагшуулна” гэж их ярьж, энэ нь бодитоор үр дүнд хүрч чадахгүй байсан юм. Тиймээс хүүхэд нэг бүрийг хөгжүүлэх үндэсний технологийг ийнхүү хэрэгжүүлж байна. Хэрэв энэ технологийг хэрэгжүүлээд үр дүн гарвал нийт сургуулийг хамруулах юм байна.

У.БОЛОР