Бизнесийн салбарт үйл ажиллагаа явуулж буй байгууллагуудын хувьд дотоод болон гадаад харилцаа холбоо, мэдээллийн аюулгүй байдал түүний хадгалалт, өндөр бүтээмжийг бий болгох зэрэг асуудлууд үргэлж тулгарч байдаг. Энэ бүх асуудлыг бүрэн шийдвэрлэх шинэ төрлийн үйлчилгээнүүдийг Мобиком Корпораци, Мобинет ХХК хамтран Монголд анх удаа байгууллагын хэрэглэгчиддээ зориулан зах зээлд нэвтрүүлээд байна.

Дэлхийн хөгжилтэй хөл нийлүүлэн алхах боломж бүрдэж буй энэхүү баяртай үйл явдлыг угтан Мобиком Корпораци болон Мобинет ХХК байгууллагын бүртгэлтэй хэрэглэгчдийнхээ дунд шинээр нэвтрүүлж буй үйлчилгээнүүдтэй холбоотой “Моби-Оффис” уралдаант шалгаруулалтыг эхлүүллээ. Уг шалгаруулалт нь 3 үеэс бүрдэх бөгөөд үе тус бүр дээр шинэ үйлчилгээнүүдийн тухай сонирхолтой бичлэг үзэж асуултанд хариулна. Үе тус бүрийг амжилттай давсан тохиолдолд бэлэгтэй ба бүх асуултанд хамгийн богино хугацаанд амжилттай хариулсан эхний 3 оролцогч “iPhone 5S” гар утасны эзэн болох болно.