Улиран одож буй 2013 ондоо, угтан ирэх 2014 ондоо амжилт бүтээлээ бататгах торгон мөч айсуй. Энэ өдрүүдэд “Гранд” уншигчдад оны сүүлийн дугаараа өргөн барьж байна. Үлгэр, домгийн мэт ертөнцийг өөрийнхөөрөө бүтээсэн талын монгол бүсгүй, Холливудын од Стивен Сигалын гэргий Б.Эрдэнэтуяа АНХ УДАА хэвлэлд ярилцлага өгсөн нь “Гранд”-ын энэ дугаарт нийтлэгдсэн байна. Сэхээтэн гэр бүлээс гаралтай энэ бүсгүй хэд хэдэн хэлийг гаргууд эзэмшсэний зэрэгцээ хилийн чанадад ажиллаж байсан туршлага ч арвин нэгэн юм байна. Олонх хүн түүнийг хөтлөгч Э.Гантулгын амин зүрхний уяа болсон эгэлгүй хайрын эзэн гэдгээр нь мэдэх юм. Тэгвэл Э.Гантулгаас салаад 4-н жил болсны дараа ирээдүйн нөхөртэйгээ учирсан нандин нууцаа Б.Эрдэнэтуяа дэлгэсэн байна. Энэ мэтчилэн олон олон гайхалтай түүхийг Б.Эрдэнэтуяагийн ярилцлагаас унших боломжтой. “Гранд”-ын энэ дугаарын шигтгээ UFC группын захирал О.Амартүвшин, мисс Г.Гантуяа нарын хуримын мэдээлэл. Хэвлэлийнхэнд хаалттай болсон тэдний хуримыг зөвхөн “Гранд” сэтгүүл албан ёсны эрхтэйгээр сурвалжилсан байна.

Сү.Батболдын танхи охины хайрын романс, “Буян” Жагаа гадаад хүргэндээ гар хүндрүүлэх ямар бэлэг бэлдэв, “Элит” театрын соёлыг эх орондоо нэвтрүүлсэн “Боролдой” С.Мягмарын амбиц, “Эвсэг Монгол” группийн ерөнхийлөгч нууцлаг хатагтай, урлаг судлаач Ц.Уранчимэгийн хайрыг татсан “Марко Поло” хэн бэ зэрэг олон сонирхолтой мэдээ мэдээлэл энэ дугаарт нь мөн багтжээ.

Өдөр алгасалгүй тоглолт, шоу болж буй энэ өдрүүдэд “Гранд”, “Дон Кихот”, “Маднесс”, “Элит” театрын тайзнаа тавигдсан “Ширэнгэнд” бүтээлийг онцолсон байна. Түүнчлэн төр түшилцэж буй эрхмүүдээс үзэсгэлэн гоо хийгээд биеэ авч явах соёлоороо бусдад үлгэр жишээ гэргийтэй гишүүдийг энэ дугаартаа онцолсон байна. 

Өдрөөс өдөрт амжилтаа ахиулж, шинийг эрэлхийлсээр буй сэтгүүлзүйн ертөнцийн нэгэн шинэ давалгаа, “Гранд” ийнхүү оны сүүлийн дугаараа аархал дүүрэн уншигчдын хүртээл болгосон байна. Дашрамд нэмж дуулгахад “Гранд” сэтгүүлийн 2014 оны 1-р улирлын захиалга орон даяар явагдаж байгаа бөгөөд та өөрт ойрхон аль ч шуудангийн салбараар захиалан бүтэн жилийн турш “Гранд” сэтгүүлийг дугаар алгасалгүй уншаарай.