Египетийн Засгийн газар гадаадын нефтийн компаниудад төлөх ёстой нийт өрийн 24 хувийг төлж барагдуулахаар шийдсэн тухай тус улсын ерөнхий сайд Хазем Беблави мэдэгджээ. Гадаадын хөрөнгө оруулагчдын итгэлийг сэргээх үүднээс ийм арга хэмжээ авч буй гэнэ.
 
Беблави хэлснээр, Египетийн Засгийн газар гадаадын нефтийн компаниудад 1,5 тэрбум ам.доллар төлнө. Нефтийн яамны хэвлэлийн төлөөлөгч Хамди Абдель-Азиз нэмэн мэдэгдэхдээ, Египет улс одоо нийт 6,2 тэрбум ам.долларын өртэй байна гэв.

Беблави хөрөнгө оруулагч нарт хандан Египетийн эдийн засгийн байдалд тэвчээртэй хандахыг уриалав. Улс орон улс төрийн болон эдийн засгийн тогтвортой байдлыг сэргээх замдаа ороод байна гэж тэр мэдэгджээ.