УИХ-ын чуулганы хуралдаан 14.00 цагаас товлогдсон бөгөөд хурлын цаг 20 орчим минут өнгөрөөд байгаа ч чуулганы танхимд ирц бүрдээгүй 10 орчим гишүүд ирээд байна.

Өнөөдрийн хуралдаанаар “Монгол Улсын Ерөнхий сайдын мэдээлэл” сонсохоос өөр хэлэлцэх асуудалгүй бөгөөд бусад хуулийн төслүүд нь ажлын хэсэг нь хуралдаагүй, ирц хүрэлгүй хойшлогдсон, асуудал танилцуулах Засгийн газар нь бэлэн бус байгаа зэрэг шалтгаанаар чуулганаар хэлэлцэгдэх боломжгүй байгаа аж.