Өмнөд Африкийн анхны хар арьст Ерөнхийлөгч Нелсон Мандела эцсийн хүчээ шавхан зоригтойгоор үхэлтэй тэмцэлдсээр байгаа тухай охин Маказиве нь мэдээлжээ. Маказиве Мандела Өмнөд Африкийн үндэсний телевизэд өгсөн ярилцлагандаа “Тэр бидэнтэй хамт байсаар байгаа. Тэр маш хүчтэй, зоригтойгоор үхэлтэй тэмцэж байгаа. Энэ нь бидэнд үхлийн ирмэгт ирсэн ч хэрхэн хайрлаж, тэвчээртэй байхыг сургадаг” хэмээсэн байна. Өдгөө 95 настай Нелсон Мандела өнгөрсөн есдүгээр сард эмнэлгээс гарснаасаа хойш гэртээ эмчилгээ хийлгэж байгаа юм.

Нелсон Мандела арьс өнгөөр ялгаварлахын эсрэг тууштай тэмцсэнийхээ төлөө 27 жил шоронд хоригдож, 1990 онд суллагдсаныхаа дараа Өмнөд Африкийн Ерөнхийлөгчөөр сонгогдож байсан билээ.