Уул уурхайн яамнаас “Шатдаг занар"" хөтөлбөрийг боловсруулаад дуусч байгаа тухай мэдээллээ. Тухайлбал, шаардлагатай судалгааг боловруулах ажлын хүрээнд шатдаг занараар дэлхийд тэргүүлдэг орны нэг АНУ-ын “Жени ойл шэйл" компани Төв аймгийн нутаг дэвсгэрт шатдаг занарын судалгааг хийж байна. Зарим тохиолдолд энэ хайгуулын судалгаанд нутгийн иргэдийн эсэргүүцэлтэй тулгарч байгаа гэнэ. “Жени ойл шэйл" компаниас Монголын шатдаг занарыг маш чанартай гэж үзсэн бөгөөд дэлхий нийтээр шатдаг занарыг сонирхож, ашиглах хандлагатай болж буй.

Хэрэв шатдаг занарын технологийг ашигтай нэвтрүүлж чадвал сайн чанарын шатахуун гарган авах бололцоотой бөгөөд шатахуун бүрдүүлэлтэд багагүй нэмэр болох боломжтой ажээ.