Олон улсын хөлбөмбөгийн холбооны /ФИФА/ шинэчилсэн чансаагаар Монголын хөлбөмбөгийн шигшээ баг 180 дугаарт эрэмбэлэгджээ. Манай улсын хөлбөмбөгийн шигшээ баг одоогоор 49 оноотой Маурити, Вануату зэрэг улсын дараа Фижи, Самоа, Бахама, Мадагаскар зэрэг арал улсуудаас чансаагаар дээр бичигдсэн байна.

ФИФА-гийн шинэчлэн гаргасан чансаагаар Бутан, Сан Марино, Туркс болон Сайкос арлууд улс нэг ч оноогүйгээр сүүлийн буюу 207 дугаар байрт бичигдсэн байна.

Эрэгтэй хөлбөмбөгийн чансааг 2008, 2012 оны европийн аварга, 2010 оны дэлхийн аварга Испанийн шигшээ баг тэргүүлсэн. Харин Герман, Аргентиний шигшээ багууд удаалсан байна. Хөлбөмбөгийн эх орон гэж нэрлэгддэг Бразил аравдугаар байрт бичигдсэн байна. Мөн манай хойд хөрш ОХУ 22, урд хөрш БНХАУ 93 дугаар байрт эрэмбэлэгджээ.

ФИФА-гийн шинэчилсэн чансаагаар эхний 20 байрт шалгарсан улсуудыг хүргэе.

1. Испани – 1507 оноо
2. Герман – 1318
3. Аргентин – 1251
4. Колумб – 1200
5. Португал – 1172
6. Уругвай – 1132
7. Итали – 1120 
8. Швейцарь – 1113  
9. Нидерланд – 1106 
10. Бразил – 1102
11. Бельги – 1098
12. Грек – 1055
13. Англи – 1041 
14. АНУ – 1019 
15. Чили – 1014
16. Хорват – 971
17. Зааны Ясан Эрэг – 918
18. Украйн – 907
19. Франц – 893
20. Мексик – 892