Испанийн Каталон үндэстний бахархал “Барселона” баг ирэх зуны хөлбөмбөгийн солилцоо наймааны цонхоор Бельгийн шигшээ багийн довтлогч Ромелу Лукакуг худалдан авахаар санал бэлтгэж байгаа гэнэ. Өдгөө 20 настай Ромелу Лукаку Английн “Челси” багт данстай. Гэсэн ч дасгалжуулагч Жозе Моуринью түүнийг Английн “Эвертон” багт зээлээр тоглуулж байгаа билээ. Лукаку “Жозе Моуринью надад итгэл хүлээлгээгүй учир би түүнд өөрийгөө харуулахаар тоглолт бүрт хичээн тоглож байгаа” гэдгээ нуулгүй хэвлэлээр ярьсан. Мөн “Челси” багаас явахаа ч мэдэгдээд байгаа билээ. Тиймээс Лукаку Испанийн “Барселона” багийн саналыг хүлээн авах магадлал өндөртэй юм.

Лукаку энэ жил Английн “Премьер лиг”-т 11 тоглолтод оролцож, найман гоол оруулаад байгаа юм.