УИХ-ын Байгаль орчин, хүнс, хөдөө аж ахуйн байнгын хорооны хуралдаан өнөөдөр 13.00 цагт зарлагдсан байсан ч хойшиллоо. Энэ нь байнгын хорооны хуралдаанд оролцох ёстой гишүүдийн ирц хүрээгүйтэй холбоотой юм. Байнгын хорооны хуралдаанд оролцохоор УИХ-ын гишүүн Л.Эрдэнэчимэг л зарласан цагтаа ирсэн байв.  
Байнгын хорооны хуралдаанаар Агаарын тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийх ёстой байлаа.

Улаанбаатар хотын хэмжээнд агаарын бохирдол хамгийн тулгамдсан асуудал болж хувираад буй. Гэр хорооллынхон нүүрс хэрэглэж байгаагаас нийслэлчүүд өглөө, оройдоо хорт утаагаар амьсгалахаас аргагүй болж байгаа. Гэвч хууль тогтоогчид чухал хуулийн төслийг цаг хугацаатай уралдан хэлэлцүүлгийг хийх ёстой боловч хойрго хандан хуралдаандаа ирсэнгүй.