Хүнс, хөдөө аж ахуй, хөнгөн үйлдвэрийн дэд сайдаар ажиллаж байсан Ж.Сауле хатагтай сүүлийн үед хэвлэлээр “од” болох болжээ.

“Орон зай нь үгүйлэгдэх Жанимханы Сауле” нэртэй нийтлэл хүртэл сонины зай талбайг дүүргэх болов. Аав нь улс төрд хар багаасаа зүтгэсэн, дандаа дарга явсан сайн улстөрч гээд л магтаж гарсан харагдана. Бүр “Түүнийг таньдаг хүмүүс нь удам сайтай айлын охин гэдэг нь үнэн бололтой” гэж ирээд сайшаалын үгээ харамгүй зориулсан байх ажээ. Ингэж хэвлэлээр өөрийгөө пиардуулах нь Ж.Саулед ямар нэгэн эрх ашиг, сонирхол байв гэх яриаг улстөрчид ойр зуураа ярилцах. Улс төрд шинээр орж буй залуу хархүү биш учраас Ж.Сауле хатагтай шоу хийх гэхээсээ илүүтэй ашиг сонирхол харсан байж таарна гэж учир мэдэх нэг нь таамаг дэвшүүлж байна. Албан тушаалд томилогдох сонирхол түүнд байна уу, аль эсвэл  гавьяа шагнал гори­лов уу гэж хардахад хүрээд буй юм. Тэрбээр сүүлийн үед Төрийн ордноос салахаа больсон билээ.