Уэльсийн шигшээ болон Английн “Манчестер Юнайтед” багийн домогт хөлбөмбөгч Райан Гиггз өнөөдөр /XI.29/ 40 нас хүрч байна. 40 настай хэдий ч Райан Гиггз “Манчестер Юнайтед” багийнхаа төлөө хүчин зүтгэж, өөрийн чадах бүхнээрээ хөгжөөн дэмжигчдэдээ бэлэг барьсаар байгаа билээ. Райан Гиггз 1991 оноос хойш “Улаан чөтгөрүүд”-ийн /Манчестер Юнайтед/ эгнээнд 22 жил хүчин зүтгэхдээ 953 тоглолтод 114 гоол оруулжээ. 1990 оноос хойшхи Английн “Манчестер Юнайтед” багийн түүхийг Райан Гиггзгүйгээр төсөөлөх аргагүй. Тэрээр “Манчестер Юнайтед” багийн хамт энэ цаг үеийн хамгийн хүчирхэг лиг Английн “Премьер лиг”-т 13 удаа түрүүлсэн. Мөн Европын хөлбөмбөгийн холбооны /УЕФА/ хамгийн нэр хүндтэй тэмцээн “Аваргуудын лиг”-ийн цомыг хоёр удаа өргөсөн нэгэн билээ. Товчхондоо Райан Гиггз бол Уэльсийн хөлбөмбөгийн шигшээ болон Английн “Манчестер Юнайтед” багийн амьд домог юм.  

Райан Гиггзийн амжилт: 

• Премьер лиг (13): 1992-93, 1993-94, 1995-96, 1996-97, 1998-99, 1999-2000, 2000-01, 2002-03, 2006-07, 2007-08, 2008-09, 2010-11, 2012-13
• FA Cup (4): 1993-94, 1995-96, 1998-99, 2003-04 
• Английн лигийн цом (4): 1991-92, 2005-06, 2008-09, 2009-10 
• Английн холбооны цом (9): 1993, 1994, 1996, 1997, 2003, 2007, 2008, 2010, 2013 
• УЕФА  Аваргуудын лиг (2): 1998-99, 2007-08 
• УЕФА Супер цом: 1991 
• ФИФА Клубуудын цом: 2008 
• Премьер лигийн шилдэг залуу тоглогч: 1991-92, 1992-93 
• Премьер лигийн бэлгэдлийн шигшээ (6): 1992-93, 1997-98, 2000-01, 2001-02, 2006-07, 2008-09 
• Уэльсийн оны шилдэг тамирчин: 1996, 2009