Иргэдээ маш сайн “сонсдог” Хангарьд ордны дөрөвдүгээр давхарт хийдэг ажил нь тодорхойгүй нэгэн алба байна, Нийслэлийн Агаарын чанарын алба гэх нэртэй. Хүн болгон агаарын бохирдолыг үзэн ядаж, бараг л хорт утааны баг өмсөх нь холгүй байгаа энэ үед тус албаныхнаас тодруулга авах гээд үнэндээ хүч хүрсэнгүй. Бүх мэргэжилтнүүд нь яг миний асуусан юмыг хариуцдаг биш болж таараад, эзгүй байгаа нэгэн рүүгээ бухаад. Бүхнийг мэддэг ганц хүн нь албан өрөөндөө байхгүй гэнэ, гар утсаа бүр ч авахгүй.

Өнөөдөр бага үдийн алдад Нийслэлийн Агаарын чанарын албаны дарга Ч.Батсайханы албан өрөөний хаалгыг татлаа. Мэдээж хаалга цоожтой. Гар утас руу нь залгатал харин цоожтой хаалганы цаана хангинаж байгаад гэнэтхэн тасарчихав. Дахиад залгавал дахиад л өөдөөс тасалчихав, энэ удаад маш хурдан тасаллаа. Гурав дахь удаагаа залгавал харин холбогдох боломжгүй болчихож. Ч.Батсайхан даргын гар утас ухаалаг гэхэд арай л хэтийдсэн ухаантай бололтой юм. Өрөөндөө “мартаад” гарчихсан байхад нь хэрэгтэй, хэрэггүй юм асуух гээд нэг сэтгүүлч залгаад байхаар нь салгаад, сүүлдээ уур нь хүрээд унтарчихаж байгаа юм.

Дарга яагаад өрөөндөө нуугдсаныг мэдэхгүй юм. Бодвол ажил ихтэй байсан биз…