Загварын ертөнцийнхний хамгийн том баяр бол жил бүрийн сүүл үеэр болдог “Гоёл” наадам байдаг. Монголын загварын ертөнцийнхний өнгө төрхийг тодорхойлох ёстой “Гоёл”-ын тайзан дээр дизайнеруудаас илүү анхаарал татдаг хүмүүс бол загвар өмсөгчид. Зөвхөн “Топ модель” тодруулах ёстой юм шиг чиг үүрэг нь балартсан гэх шүүмжлэл дагуулдаг ч жилийн жилд бүгд л энэ жилийн топ хэн болох вэ хэмээн ам уралдан асууж сурагладаг.

Ямартай ч загварын хүрээний бүх бүсгүйчүүд наадмын шалгаруулалт болоход хэдхэн хоногийн хугацаа үлдээд байгаа /XI.30-нд болно/ энэ өдрүүдэд бүгд л “Гоёл”-оор амьсгалж, “Гоёл”-ыг хүлээж байна. Загвар өмсөгч О.Ариунзул гэхэд л сүүлийн өдрүүдэд facebook хуудсандаа “Гоёл” наадамд өмсөх шинэ гоёлуудынхаа зургийг оруулах болжээ.

Дуучин Б.Амархүүгийн найз бүсгүй гэдгээрээ илүү олны анхаарлыг татдаг тэрээр өнөөдөр “Blue sky”-д болж буй загварын долоо хоногт оролцож байгаа ажээ.