"Аватар" киногоор сэдэвлэсэн ямар ч хошигнолыг найруулагч хүлээн авахад бэлэн байна. Тэр "E! Online"-д өгсөн ярилцлагадаа энэ тухай дурджээ. Сайт түүнээс яагаад Саша Барон Коэнийг Оскарын ёслолоос хасах болсон тухай тодруулан асуусан байна. "Үнэнээ хэлэхэд би энэ тухай огт сонсоогүй байлаа. Гэхдээ би Оскарын продюсер биш шүү дээ. Тэд Аватарын сэдвээр ёслол дээр ямар нэгэн хошигнол төлөвлөж байгаа бол надад татгалзах юм байхгүй" гэж найруулагч хэлжээ.
    Шоуны продюсер Бил Меканик оролцогч нарын нэрсийн жагсаалтаас Саша Барон Коэнийг хасах шийдвэр гаргасан нь "Аватар"-ыг бүтээгчийг гомдоохгүйн тулд хийсэн ажил. Британийн жүжигчин Нави омгийн бүсгүй болж хувиран тайзан дээр гарч орчуулагч Бен Стиллерийн тусламжтайгаар жирэмсэлсэн тухайгаа хэлж хүүхдийнхээ эцгээр Жеймс Камероныг тодруулахаар төлөвлөж байсан юм.
                                                                                                                                  Л.Золбаяр