Aймгийн Стандартчилал хэмжил зүйн хэлтсээс “Чэст” компанийн шингэрүүлсэн хийн түлш түгээх станцад баталгаажуулалт хийлээ. Баталгаажуулалт гэдэг нь тухайн үйлчилгээнд тавигдах стандартын шаардлагыг хангаж байгаа эсэхэд шалгалт хийнэ гэсэн үг. Шингэрүүлсэн хийн түлш түгээх станцын үйл ажиллагаанд тавигдах MNS 4633:2000 зэрэг 5 стандарт манай улсад мөрдөгдөж байна.

Манай аймагт нээгдээд удаагүй шингэрүүлсэн хийн түлш түгээх станц баталгаажуулалтын гэрчилгээ авах болзолыг хангасан байна. Тус станцад баталгаажуулалт хийх ажил 2 долоо хоногийн хугацаанд үргэлжилжээ. Аймгийн стандартчилал хэмжил зүйн хэлтэс дээрх шалгалтыг жилд 2 удаа буюу дөрөв, аравдугаар саруудад тогтмол явуулдаг юм байна.