“Маш нууц” сэтгүүлийн шинэ дугаар хэвлэгдэн гарчээ. Энэ дугаарт уншигч таны анхаарлыг татах олон сонирхолтой мэдээ, мэдээлэл, ярилцлага, нийтлэлүүд багтжээ. Оюутолгойн асуудлаар Уул уурхайн сайд Д.Ганхуягтай халуухан яриа өрнүүлсэн бол дөрөвхөн сарын дотор Дэлхийн аварга болсон цээж бодолтын тамирчин Т.Мягмарсүрэнтэй хийсэн тун сонирхолтой ярилцлага хэвлэгдсэн байна. Монголын нэрт хөгжмийн зохиолч, УГЗ Ч.Сангидорж агсаны зээ хүү А.Жигүүр өдгөө Эквадор Улсад хөлбөмбөгийн багийн дасгалжуулагчаар ажиллаж байгаа тухай анхаарал татам ярилцлага ч мөн гарчээ.

Үүнээс гадна цагаан захтнуудын гэмт хэрэг, Хятадын Улсыг аюулаас хамгаалах яамны мэдээлэгч элсүүлэх арга, Монголд уран олборлож, цөмийн хаягдал булшлах гэрээ байгуулсан тухай онц сонирхолтой нийтлэлүүд хэвлэгдсэн байна. Мөн дуучин Ану хүүхэд үрчилж авсан уу, “Нисванис”-ын дуучин Л.Энх-Амгалан Америкт цагаачилсан уу, дуучин С.Сэрчмаа поп хатагтай Сарааг яаж гомдоосон зэрэг онц сонирхолтой мэдээллүүд багтжээ.

Сэтгүүлч Г.Тэгшжаргалын бичсэн “Нууцын жагсаалтад багтсан стратегийн ордуудын мөрөөр” хэмээх цуврал нийтлэлийн энэ дугаарт Өвдөг худагийн ордын нууцыг дэлгэжээ. Үүнээс гадна МАН-ын экс генсек Г.Занданшатар Америк руу “зугтах” болсон учир шалтгаан, “Хас”-ын Д.Бат-Очир хайртай эхнэрээ юуны учир ажлаас нь халах болов, экс гишүүн Э.Мөнх-Очир Туркт консул болох гэж буй талаар дэлгэрэнгүй өгүүлжээ.

“Маш нууц” сэтгүүлийн шинэ дугаараа  авч уншихаа мартуузай.