УИХ-ын чуулган, байнгын хороодын хуралдаанаар ямартай ч энэ долоо хоногт УИХ-ын гишүүн Р.Амаржаргалын асуудлыг авч хэлэлцэхгүй нь.

УИХ-ын даргын зөвлөл УИХ-ын долоо хоногийн хэлэлцэх асуудлыг жагсаалтыг баталдаг бөгөөд өргөдлөө өгөөд 14 хоногийг үдээд буй Р.Амаржаргал гишүүний асуудлыг мөн л хэлэлцэх асуудлын жагсаалтад оруулаагүй байна.

Өргөдөл өгснөөсөө хойш ам нээгээгүй Р.Амаржаргал өөрийнх нь хүсэлтийг хүлээн авч, хэлэлцэх чадваргүй УИХ хэмээн дуугарсан ч намынхан нь ч, ангийн нөхөд нь ч түүнийг явуулах сонирхолгүй буйгаа ам нээсэн. Энэ долоо хоногт Р.Амаржаргалын асуудлыг хэлэлцэнэ гэсэн олны таамаг худал боллоо. Чухам УИХ Р.Амаржаргалыг авч үлдэх үү, эсвэл явуулах уу гэдэг асуулт хэвээр үлдлээ.