-Дэлхийн аваргаас хүрэл медаль хүртсэнд баяр хүргэе. Сэтгэгдэлээ хуваалцана уу?

Сэтгэгдэл маш өндөр байна. Анх удаа ДАШТ-д оролцож хүрэл медаль хүртлээ. Медалиа зүүгээд зогсч байхад өөрийн эрхгүй сэтгэл хөдөлсөн. Эхлээд хүрэл медалиа чамлаж байсан. Гэтэл медаль аваагүй олон тамирчдыг хараад бахархаж зогслоо. Цахим спорт өндөр хөгжсөн орны тамирчид медальгүй үлдэх нь энүүхэнд. Тэдний хажууд би Монголынхоо далбааг мандуулсан гэж бодохоор сэтгэл их хөдөлж байлаа. Бусад орныхон Монголд цахим спорт ийм өндөр төвшинд хөгжсөн гэж огт бодсонгүй гээд өөрийн эрхгүй дуу алдаж, алга ташаад л байсан. Монголыг Чингис хаанаар нь танихаас биш цахим спорт хөгжсөн гэж огт бодоогүй байснаа надад хэлсэн.

-Өмнө нь энэ спортоор ямар амжилт үзүүлж байв?

-Дотооддоо болсон тэмцээнүүдээс алт, мөнгө, хүрэл медаль хүртэж байсан.

-Энэ спортоор хичээллээд хэр удаж байна вэ. Бэлтгэл сургуулилтаа хийсэн бэ?

-Ах маань миний бэлтгэлийг хангадаг. Өдөрт нэг цаг орчим бэлтгэл хийнэ.  Таван жил орчим энэ спортоор хичээллэж байна. Цахим спорт бол адилхан л спорт шүү дээ.