“Blue moon art”  галерейгаас уран бүтээлчдийг дэмжих, тэдний идэвхийг нэмэгдүүлэх, урлагаар дамжуулж хүмүүсийн гоо сайхны таашаалыг хөгжүүлэх, Монголын дүрслэх уран бүтээлчдийг дэлхийн нийтэд таниулах, шинэ залуу авьяслаг уран бүтээлчдийг дэмжих зорилгын хүрээнд энэ жилээс дүрслэх урлагийн төрлүүдээр төрөлжүүлэн уран бүтээлийн үзэсгэлэн зохион байгуулж байгаа ажээ. Энэ удаагийн цуврал үзэсгэлэн нийт уран бүтээлчдийн дунд “Уран зураг ба Уран баримал” нэртэйгээр болж буй.

Нийт таван уран бүтээлчдийн бүтээлээс нэр дэвшүүлэн уран барималч А.Очирболдын “Сэтэр” нэртэй баримал шилдэг бүтээлээр шалгарчээ. Шалгарсан уран бүтээлчид  “Blue moon art”  галерейн гишүүн болох эрх, үнэ бүхий зүйлээр шагнасан байна.

Уг үзэсгэлэн арваннэгдүгээр сарын 18-28-ны хооронд “Blue moon art  галерей”-д үргэжлэх ажээ.

Гэрэл зургийг ЭНД дарж үзнэ үү