Ерөнхий сайд Н.Алтанхуяг сүүлийн үед месежид дарагдах болжээ. Түүнд оюутнуудаас  “Оюутны тэтгэлэг 70 мянган төгрөгийг өг” гэх утгатай  зурвас олноор ирсэн байна. Ганц ийм утгатай мессеж өнгөрсөн долоо хоногт гэхэд л 60  гаруй иржээ. Тэрбээр улс орны хөгжлийн түүчээ болсон оюутнууд сайн сурахыг чухалчлахаас илүү халамжийн хэдэн төгрөгт санаа зовж байгаад ихэд  харамсч буйгаа илэрхийлэв.

УИХ-аас Оюутны тэтгэлгийн хэмжээг 2014 оноос Засгийн газар тогтоох, сургуулийн сургалтын чанар, материаллаг бааз, оюутны сурлагын байдал зэргийг харгалзан ялгавартай олгодог байхаар хуульчилсан билээ.