Гадаад хэргийн яамны ажилтнуудыг улсын нууц задалсан хэргээр Тагнуулын ерөнхий газраас шалгаж эхэлсэн ч хуулийнхан энэ асуудлаар мэдээлэл өгөх боломжгүй гэсэн хэвээр байна. Энэ хэрэгт Гадаад хэргийн яамны нэлээд хэдэн ажилтныг шалгаж буй аж. Тэднийг “Ганцхудаг”-ийн урьдчилсан хорих төвд хорьжээ. Харин хоригдож буй хүмүүсийн нэр, албан тушаалыг нууцалж байна. Гадаад хэргийн яамныханд ч энэ талаар мэдээлэл өгөхийг Тагнуулын ерөнхий газраас хориглосон гэнэ. Тиймээс одоогоор хэрэгт холбогдсон хүмүүсийг “Ганцхудагт” саатуулан шалгаж байгаа гэхээс өөр тодорхой мэдээлэл алга.
Л.ХАЛИУ