Монгол Улс ирэх онд 31.4 сая тонн коксжих нүүрс экспортлох зорилт тавьсан талаар албаныхан мэдээллээ. Үүнээс 590 тэрбум төгрөгийн татварын орлогыг улсын төсөвт төвлөрүүлэх төлөвлөгөөтэй юм байна. Энэ нь эдийн засагт чухал нөлөөтэй уул уурхайн салбарын татварын 41 хувь, нэгдсэн төсвийн нийт орлогын 8.5 хувийг бүрдүүлэх боломжтой ажээ.

Энэ жилийн хувьд улсад ганц экспортын орлого оруулдаг нүүрсний салбар уналтад орсон гэж хэлж болохоор бөгөөд оны эхээр нүүрсний экспортыг зогсоосон юм. Ийнхүү дөрөвдүгээр сард экспортыг эхлүүлж, үндсэндээ энэ онд 18 сая тонн нүүрс экспортлох зорилттой ч энэ үр дүнд хүрч чадахгүйг салбарынхан хэлж байгаа. Ямартай ч ирэх жил нүүрсний салбарыг ийнхүү өөдрөгөөр төсөөлж байна.