Мэргэжлийн хяналтын ерөнхий газрын даргын зөвлөл маргааш хуралдана. Хурлаар Ерөнхий боловсролын сургуульд боловсрол, эрүүл ахуйн нөхцөл, “Үдийн цай” хөтөлбөрийн хэрэгжилтэд хийсэн хяналт шалгалтын дүн болон мал эмнэлэг, үржлийн ажил үйлчилгээ эрхэлдэг ААН-ийн стандартын хэрэгжилтэд хийсэн хяналт шалгалтын дүнг хэлэлцэх юм. Түүнчлэн уул уурхайн чиглэлээр үйл ажиллагаа явуулж буй зарим ААН-үүдэд хөдөлмөр, нийгмийн хамгааллын хяналтын чиглэлээр хийгдсэн хяналт шалгалтын дүнг танилцуулах аж.