Үүсгэн
байгуулагдсаны гурван жилийн ойгоо тохиолдуулан өөрсдийн амжилтаа
бататгасан шинэ дугаараа “Гранд” сэтгүүлийн хамт олон танд өргөн барьж
байна.

Монголын косметик мэс заслын загалмайлсан эх хэмээдэг
“Perfect”-ийн Н.Оюун эмчийн сонирхолтой ярилцлагыг та зөвхөн “Гранд”-аас
унших боломжтой. Гоо сайхны мэс заслын ертөнцөд хөшигний ард өрнөдөг
тэмцэл, мэс заслуудын онцлог хийгээд давуу талын талаар мэдэхэд
илүүдэхгүй зүйлсийг Н.Оюун эмч ярилцлагадаа өгүүлсэн байна билээ.

Олонд
нэр алдар, эд хөрөнгө, амбиц хувийн амьдралаараа танигдсан “Ажнай”
Б.Бат-Эрдэнийн хясаанд нуусан сувд болох доктор охины талаар зөвхөн тус
сэтгүүлийн хуудаснаас унших боломжтой. Өдрийн хоолонд орохдоо ч
өндөржүүлсэн хамгаалалттай, гэр бүлийн гишүүн нэг бүр тусдаа хамгаалалт
авах “МАК”-ын Б.Нямтайширын нэгэн содон агшныг тус сэтгүүлийн хамт олон
гэрэл зургийн хальснаа буулгасан байна. “Алтай констракшн”-ы нэр нь ч
зүс нь ч ижил бэрүүд ихэр үү, эсвэл эгч дүүс үү, “Казино” Д.Баттулгын
голомтоо бадраасан халамжит гэргий, воллейболчин мисс тодотголоор эчнээ
танигдсан Д.Ариунтунгалаг ямар бизнест хөл тавьсан, олны танил
эрхмүүдийн хөвгүүд охидын сүүлийн үеийн шинэ карьер, бизнес санаа хаашаа
чиглэж байгааг мэдэхийг хүсвэл та “Гранд”-тай хамт байгаарай.

Тамирчид
дундаа хамгийн хүчирхэг гэр бүлийн тоонд зүй ёсоор нэрлэгддэг
О.Гүндэгмаа, Х.Цагаанбаатар нар саяхан ихэр хүүхэдтэй болсон. Тэгвэл
төрсөн ч төрөөгүй мэт гунхах О.Гүндэгмаагийн нэгэн агшныг тус сэтгүүлээс
та харах боломжтой. Мисс Б.Сайнаа, дуучин Quiza-гийн гэргий,
О.Гүндэгмаа, Г.Өсөхбаярын гэргий гээд биеийн галбираа гайхалтай хадгалж
үлдсэн ээжүүд тус сэтгүүлийн нүүр хуудсыг чимсэн байна.

Энэ
удаагийн дугаарт тоймч Г.Баяр банкуудыг дампууруулах шалтгааныг хөндсөн.
Судалгаа, ажиглалт, баримтаар энэ асуудлын учир зангилааг тайлахыг
сэтгүүлч зорьжээ. “Монголын банкуудыг улс төржүүлэн унагаахын учир”
нийтлэл эдийн засгийн тоймчийн зайлшгүй хөндөх нэг сэдэв байлаа. Нөлөө
бүхий ах, эгчийнхээ буянд зоргоороо давхих чих халууцуулсан дүү нараар
хэн хэн тодорсоныг мэдэхийг хүсвэл “Томчуудын чих халууцуулсан ах дүүс”
нийтлэлээс унших боломжтой.

Энэ мэтчилэн шинэ содон мэдээлэл дүүрэн “Гранд” сэтгүүлийн 40 дэх дугаар уншигч та бүхэнд хүрч байна.