Холливуудын үзэсгэлэнт бүсгүйчүүдийн нэг Eva Mendes “W” сэтгүүлийн шинэ дугаарын нүүр хуудсыг чимжээ. Тэрбээр “The Other Guys” нэртэй инээдмийн кинонд тоглож байгаа ба энэ нь түүний анхны хошин дүр нь аж.

Тэрбээр “Би өмнө нь хэзээ ч ийм инээдтэй дүрд тоглож байгаагүй. Энэ дүрд тоглоход надад яагаад ч юм өөрөөрөө байж чадаж байгаа юм шиг мэдрэмж төрсөн. Энэ киноноос намайг шал өөрөөр олж харна гэдэгт итгэлтэй байна” хэмээн уг сэтгүүлд ярьжээ.

Энэхүү кино нь ирэх наймдугаар сарын 6-нд Америкт нээлтээ хийх ба Adam McKay найруулагчаар нь ажиллаж байгаа.

Харин гол дүрүүдэд Eva Mendes-аас гадна Холливуудын алдарт жүжигчид болох Mark Wahlberg, Samuel L. Jackson, Dwayne Johnson, Paris Hilton нар тоглож байгаа юм.

Н.Наран