Рок од Adam Lambert  дуучин Christina Aguilera-тай хамтран дуулахыг хүсдэг тухайгаа ярьжээ.

Тэрбээр “Teen Today” сайтад өгсөн ярилцлагандаа “Би өөрийгөө Aguilera-гийн фэн гэж хэлэхэд болно. Түүний хоолой үнэхээр гайхалтай. Гадаад байдал стиль нь ч надад таалагддаг. Түүний хоолойны өнгө, дуулах арга барил минийхтэй хоршвол сайхан уран бүтээл гарна гэдэгт итгэлтэй байдаг. Одоогоор хамтран уран бүтээл хийх тал дээр ямар нэгэн яриа өрнүүлээгүй байгаа. Магадгүй дараагийн цомогтоо түүнтэй хамтарч ажиллах боломж гарч магадгүй юм” хэмээн ярьсан байна.

Дуучин Adam Lambert "Glam Nation" нэртэй аялан тоглолтоо энэ сарын 4-ноос эхлээд байгаа юм. Түүний "For Your Entertainment" цомог нь 600 мянган хувь борлогдсон бол "Whataya Want From Me" дуу нь АНУ, Австрали, Япон, Швед, Сингапур зэрэг орнуудад хит дууны шилдэг 10-ын жагсаалтыг нь тэргүүлж байсан билээ.

Н.Наран