Монголын волейболын холбооны нэрэмжит клубуудын аварга шалгаруулах Намрын нээлттэй тэмцээн “Буянт-Ухаа” спорт цогцолборт эдгээр өдрүүдэд үргэлжилж байна.  Энэ сарын 3-нд эхэлсэн “Намрын нээлттэй тэмцээн”-ийг “Алтан түнш витафит” групп ивээн тэтгэж байна.

Тэмцээнд эмэгтэй тав, эрэгтэй зургаан баг өрсөлдөж байгаагаас гуравдугаар тойргийн тоглолт өнгөрөгч лхагва гаригаас эхэлсэн бөгөөд ирэх ням гаригт дуусаж, медалийн төлөө өрсөлдөх багууд бүрэн тодрох юм. Гурван тойргийн дүнгээр 1, 2-р байраар шалгарсан багууд алтан медаль, 3, 4-р байраар шалгарсан багууд хүрэл медалийн төлөө тоглоно. Медалийн төлөөх тоглолтууд ирэх даваа гаригаас эхэлж, түрүүлж хоёр хожсон баг медалийн болзол хангана.

Энж жил лигийн тоглолтод тогтмол амжилттай оролцдог "Уурхайчин" багийн эмэгтэй, эрэгтэй багууд нэрээ өөрчилж орж буй. "Уурхайчин" эмэгтэй багийг “Цайрт минерал” компани, эрэгтэй багийг “Эрдэнэт” үйлдвэр ивээн тэтгэн оролцож байгаагаас тэд нэрэндээ өөрчлөлт хийжээ. Харин бусад багуудын хувьд клубуудынхаа нэрээс орж байна.

Тэмцээний нэг, хоёрдугаар тойргийн дүнг танилцуулбал:

Эмэгтэй: Нэгдүгээр тойрог

1. “Сүхбаатар Цайрт минерал” баг
2.  “Алтайн барс” 
3. “Эрчим” ТЭЦ-IV-ийн I баг
4. “Эрчим” ТЭЦ-II баг 
5. “Энагурэ” баг

Хоёрдугаар тойрогт

1. “Энагурэ” баг
2. “Сүхбаатар Цайрт минерал” баг 
3. “Эрчим” ТЭЦ-IV-ийн I баг
4. “Алтайн барс”
5. “Эрчим” ТЭЦ-II баг ,

Эрэгтэй: Нэгдүгээр тойрог

1. “Эрчим” ТЭЦ-IV баг
2. ИНЕГ “Буянт-Ухаа” баг
3. “Алтайн барс” баг 
4. “Эрдэнэт үйлдвэр Уурхайчин” баг
5. “Хасу мегастарс” баг
6. “Монвол Сима” баг

Хоёрдугаар тойрог

1. “Алтайн барс” баг
2. “Эрчим” ТЭЦ IV баг
3. “Эрдэнэт үйлдвэр Уурхайчин” баг
4. ИНЕГ “Буянт-Ухаа” баг
5. “Хасу мегастарс” баг
6. “Монвол Сима” баг

Өдөр бүрийн эхний тоглолт 11.00 цагаас, сүүлийн тоглолт 19.00 цагаас эхэлж буй. Харин өдөр бүрийн 15.00, 17.00 цагуудын тоглолтыг “Sport Вох” телевизээр шууд дамжуулж байна.