Нийслэл 400 км хатуу хучилттай замтай. Одоо нийслэлд хөдөлгөөнд оролцож байгаа бүх машиныг зогсоовол энэ зам хүн зөрөх ч  зайгүй болох гэнэ. Замын цагдаагийн газарт өдөрт дунджаар 50-70 иргэн шинэ дугаар авах хүсэлт гаргадаг нь нийслэлд ачаалал ямар их байгааг харуулж байна. Автомашины тоо өдрөөс өдөрт нэмэгдсээр байхад зам, замын хөдөлгөөнийг сайжруулан  өөрчлөх нөхцөл байдалд тохирсон нэг ч зүйл нэмэгдэхгүй байгаа нь осол гарах үндэслэл болж байгааг мэргэжлийн хүмүүс онцолж байна. Дашрамд сонирхуулахад энхийг сахиулах ажиллагаанд оролцогсод ирсэн даруй машины гүйлгээ эрс  нэмэгддэг гэнэ.
Х.Хангал