1990-ээд онд үзэгчдийг байлдан дагуулж, хоёр ч Оскар хүртсэн “Ghost” киноноос сэдэвлэн телевизийн олон ангит цуврал кино бүтээхээр болжээ.

Жүжигчин Патрик Суэйзи /Сэм/ болон Дэми Мур /Молли/ нарын ер бусын хайр дурлалын тухай өгүүлэх “Ghost” киног телевизийн цуврал болгохоор Америкийн продюсер, найруулагч Акива Голсман болон зохиолч, продюсер Жефф Пинкнер нар хамтран ажиллаж байгаа гэнэ.

Өмнө нь “Ghost” киноны мюзикл хувилбар 2011 онд тайзнаа тавигдаж байсан аж.

“Ghost” кино “box office” –оос 500 сая гаруй ам.долларын ашиг олсон билээ.