“Монгол-Солонгосын багш солилцооны хөтөлбөр” -ийн хүрээнд БНСУ-аас нийт 24 багш Монголд ирж ажиллаж байна. Тэд Улаанбаатар хотын ерөнхий боловсролын 17, орон нутгийн долоон сургуульд хичээл зааж, Монголын багш нарт сургалтын арга зүй, туршлагаасаа хуваалцаж байгаа бөгөөд өнөөдөр эхний сарынхаа ажлын үр дүнг тайлагналаа.

Тэд “Улс орон бүр өөр, өөрийн сургалтын онцлогтой байдаг. Монголчууд хичээлийн хөтөлбөртөө өв уламжлал  хадгалсан сургалтыг түлхүү оруулах хэрэгтэй. Солонгос улсын хөгжил дэвшил нь иргэдийнхээ боловсролд анхаарал хандуулж, хөрөнгө оруулалтыг гар таталгүй оруулж ирсэнтэй холбоотой” хэмээн хэллээ. Мөн Монгол багш нарт хичээл заахад шаардлагатай тоног төхөөрөмж, тусгай лаборатори байдаггүй ч сурагчдад хичээлээ сонирхолтой хэлбэрээр хүргэхийн тулд гар доорх материалаа ашиглан тараах материал өөрсдөө бэлтгэж ирдэг байна. Энэ нь хүүхдүүдэд илүү хүрдэг юм байна гэж Солонгос багш нар онцлов.

     Уулзалтад БШУЯ, БНСУ-ын Боловсролын яам, ЮНЕСКО-гийн АНДБООТ болон бусад холбогдох албаны төлөөлөл оролцлоо.