Чингисийн талбайд өнөөдөр 10.00 цагт Их Майдар төслийн мэдээллийн төвд Майдар бурхны тэргүүнийг залах ёслол боллоо. Уг ёслолд Ерөнхийлөгчийн Тамгын газар болон Нийслэлийн Засаг даргын Тамгын газар болон НИТХ-ын төлөөлөгчид, урлаг соёлын зүтгэлтнүүд оролцсон юм.

УИХ-ын гишүүн, Үйлдвэр, хөдөө аж ахуйн сайд Х.Баттулгын санаачилгаар "Женко" групп "Их майдар" төслийг эхлүүлсэн. Нью-Иорк хотод байдаг Эрх чөлөөний хөшөөнөөс өндөр суварга бүхий Их Майдар бурхны цогцолбор нь Төв аймгийн Сэргэлэн сумын нутаг босно. Өөрөөр хэлбэл, Богд хан уулын өвөрт Улаанбаатараас 50 км зайтай Зүрх уулын энгэрт, Өгөөмөрийн аманд босч байгаа юм. Монгол Улсын Ерөнхийлөгч Ц.Элбэгдорж “Их Майдар” цогцолборын бүтээн байгуулалтыг дэмжиж оролцохыг төрийн болон төрийн бус байгууллага, аж ахуйн нэгж, айл, өрх иргэн бүрт уриалсан билээ.