Мэргэжлийн боксын Азийн бүсийн аварга шалгаруулах олон улсын тэмцээн арваннэгдүгээр сарын 9-нд буюу маргааш 17:00 цагаас АСА циркд болно. Энэ тэмцээнд Монгол, БНСУ, Хойд Солонгос /БНАСАУ/, БНХАУ-ын 14 тамирчин долоон жинд өрсөлдөх юм.

Тоглолтын хуваарь:

56 кг: Б.Цогтбилэг /Монгол/ – С.Жавхлан /Монгол/
63 кг: Д.Түвшинбаяр /Монгол/ – Ж.Мөнхбаяр /Монгол/
50 кг: Б.Уламбаяр /Монгол/ – Жо Кук Чол /Хойд Солонгос/
55 кг: Квон Хюсун /Хойд Солонгос/ – Ма Ли /БНХАУ/
53 кг: С.Ганзориг /Монгол/ – Пак Чун Хьёк /Хойд Солонгос/
70 кг: Х.Хатанбаатар /Монгол/ – Луо Цян /БНХАУ/

Монголд анх удаа зохион байгуулж буй тэмцээний өмнө буюу өнөөдөр Монголын мэргэжлийн боксын холбоо Олон улсын боксын холбоонд нэгдэх ёслол болох аж. Олон улсын мэргэжлийн боксын холбоонд нэгдэж, гарын үсэг зурах ёслол өнөөдөр /XI.8/ 18:00 цагаас болно.