Хятадын Шанси мужийн Тайюань хотын цагдаа нар Коммунист намын байрны урд болсон дараалсан дэлбэрэлтийг зохион байгуулсан хэрэгт өнөө өглөө /ХI.8/ 14 настай Фэнг Зижун гэгчийг сэжиглэн баривчилжээ. Цагдаа нарын мэдээлж буйгаар Фэнгийн гэрээс гар аргаар бүтээсэн тэсрэх бөмбөгнүүдийг хийсэн материалууд олдсон гэнэ. Тайюань хотод өнгөрсөн лхагва гаригт Коммунист намын байрны урдах цэцгийн мандалд гар аргаар бүтээсэн тэсрэх бөмбөгнүүд дараалан дэлбэрсний улмаас нэг хүн амь үрэгдэж, найман хүн гэмтэж, шархатсан билээ. Гэрчүүдийн яриагаар Коммунист намын байрны урд нийт долоон удаа хүчтэй дэлбэрэлт болох чимээ гарсан гэнэ.

Тайюань хотын оршин суугч Фэнг нь өмнө нь хулгайн хэргээр найман жил шоронд хорих ял сонсож байжээ. Одоогоор 14 настай хүүхэд тэсрэх бөмбөг бүхий халдлага үйлдэх болсон шалтгааныг тайлбарлах хүн байхгүй байна.