Хэдийгээр ийм төрлийн үйлчилгээний салбар хумигдмал байсан ч 1990 оноос өдийг хүртэл үйл ажиллагаа явуулсан цорын
ганц компани байсан юм. Сүүлийн жилүүдэд ухаалаг телевиз болон телевизийн үйлчилгээ, кабелийн суваг, цахим орчин зэргээс шалтгаалж видео түрээсийн үйлчилгээ зогсонги байсан
гэхэд болно. Сүүлийн таван жилийн туршид алдагдалтай ажиллаж, зарлага нь орлогоосоо хэд
дахин давж байсан ч түрээслийн үйлчилгээгээ үргэлжлүүлсээр байсан билээ.

“Хэрэглэгчид
энэ үйлчилгээг хүсэхгүй байна гэдэг нь цаашид түрээслэх ямар ч боломжгүй болсон гэсэн үг. Тиймээс бид мөнгийг хий дэмий цацахыг хүсэхгүй байна” гэж DISH network-ын гүйцэтгэх захирал Жозеф Клейтон ярьжээ. Өнгөрсөн 2011 онд Америк даяар
видео түрээсийн үйлчилгээ явуулдаг 300 гаруй
салбаруудыг хаагаад байсан юм. АНУ-ын кино урлагийн түүхэнд видео түрээсийн үйлчилгээг анх нэвтрүүлж түүгээрээ их хэмжээний ашиг
олон, тухайн киноны нийт ашигт хүртэл нөлөөлдөг байсан энэ төрлийн үйлчилгээний монополь компани Blockbuster ийнхүү хаалгаа барьлаа.