Европийн үндэстнүүдийн цом (Кубок европейских наций-2013) бөхийн тэмцээн арваннэгдүгээр сарын 8-10-нд Москва хотноо болно. Уг тэмцээнд өрсөлдөх багуудыг танилцуулвал:

Эмэгтэй бөх: ОХУ, Украин, Азербайжан, Польш, Герман, Болгар

Чөлөөт бөх: ОХУ, Гүрж, Украин, Турк, Болгар, Армен

Сонгомол бөх: ОХУ, Болгар, Гүрж, Азербайжан, Турк, Армен

Багуудын бүрэлдэхүүнээс үзэхэд хамгийн хүчирхэг багт дэвжээний эзэд зүй ёсоор тооцогдоно. Олимпийн аварга Жамал Отарсултанов нь жин өгсөн 60 кг-д анх удаа зодоглох бол сонгомол бөхийн олимпийн аварга Алан Хугаев, олимпийн хүрэл медальт халимаг залуу Мингиян Семенов, ДАШТ-ий мөнгөн медальт Екатерина Букина нар багаа ахлан барилдах ажээ.

Бусад орны багт олимпийн шагналт Виктор Андрейцев (Украин), Владимир Хинчегашвили, Дато Марсагашвили (хоёул Гүрж), сонгомол бөхийн дэлхийн аварга Риза Каялп (Турк), шинэхэн дэлхийн аварга Давид Сафарян (Армен) нар багтжээ.