Улсын хэмжээнд ургац хураалт хугацаандаа буюу аравдугаар сарын сүүлчээр дууссан тухай Үйлдвэр, хөдөө аж ахуйн яамны Газар тариалангийн бодлогын хэрэгжилтийг зохицуулах газраас мэдээллээ.  Одоогийн байдлаар ургац хураалтын нэгдсэн дүн гараагүй бөгөөд тариалангийн бүс нутгуудаас ирсэн тайлан мэдээг нэгтгэж буй ажээ. Ургацын нэгдсэн тайланг энэ долоо хоногийн сүүлчээр нэгтгэж, Засгийн газраар хэлэлцүүлж, нийтэд мэдээллэх юм байна.

Ургац хураалтын урьдчилсан балансаар 423.4 мянган тонн үр тариа, үүнээс 404.6 мянган тонн буудай, 211.8 мянган тонн төмс, 103.4 мянган тонн хүнсний ногоо, 65.2 мянган тонн тосны ургамал, 21.0 мянган тонн малын тэжээлийн ургамал тус тус хураан авахаар төлөвлөсөн. Энэ жилийн хувьд хур бороо ихтэй байснаас тариалангийн бүс нутгуудаар үр тариа, ногооны болцод сөргөөр нөлөөлж байсан ч эрсдлээс боломжийн хамгаалж чадсан тухай албаныхан хэлсэн юм.