МАН-ын Бага хурлын “анек­дот” одоо хэр нь хуучраагүй байна. Жишээ нь Бага хурлын үеэр МАН-ын нарийн бичгийн даргыг сонгоход Т.Онон гэдэг бүсгүй нэрээ дэвшүүлжээ. Ха­рамсалтай нь НАМЭХ-ны ерөн­хийлөгч, УИХ-ын гишүүн Д.Оюунхорол хүртэл түүнийг олигтой дэмжээд өгөөгүйд тус намын эмэгтэй гишүүд гомд­чихсон явна билээ. Т.Онон­гийн Бага хурлын гишүүдэд тараахаар зэхсэн материалыг тараалгахгүй байснаа “Энэ талаар хэвлэлийн бага хурал зарлана” хэмээн бухимдсаны дараа зөвшөөрсөн аж. Үүний зэрэгцээ Бага хурлын гишүүн, эдүгээ МАН-ын Мэдээлэл, тех­нологийн хэлтсийн даргаар ажиллаж буй Б.Цогтгэрэл буюу “жиргээчид”-ийн дотны танил “Цогоо гуай” хүртэл Т.Ононг элдвийн үгээр дайрч гомдоо­сон аж. Уг нь “жиргээчид”-ийн хувьд бол тэдний хэн, хэн нь твийтр хуудаснаа “од” юмсан. Гэтэл Б.Цогтгэрэл нь Т.Ононг “Чи АН, МАХН-ынхан­тай уулз­даг, холбоо сүлбээтэй, намаа муулж нэр хүндийг нь унагасан мэдээллийг цахим хуудсаар цацдаг” гэхчлэн шүүмжилсэн бололтой юм. Уг хэрүүлийн дараагийн өдрүүдэд ч тэдний хэрүүл цахим хуудсаар үргэлжилсээр байсан нь “нам бусчууд”-ыг залхааж эхлэв.