Шударга өрсөлдөөн хэрэглэгчийн төлөө газраас кино театруудаар гарч байгаа киноны орлогын мэдээллийг долоо хоног бүрийн баасан гарагт зарлаж байхаар болсон билээ. Харин энэ долоо хоногийн хувьд буюу аравдугаар сарын 25-нөөс 31-ны хооронд “Өргөө” болон “Тэнгис” кино театруудын дэлгэцнээ гарч буй “Тагнуулч аав” кино 86,734,000 төгрөгийн орлого олжээ. Сүүлийн хэдэн долоо хоногийн турш тэргүүлж байсан “Зэрлэг цэцэгсийн хүлэмж” зөвхөн Тэнгис кино театрт гарч 26,802,000 төгрөгийн орлого олсон байна. Ингэснээр тус кино өнгөрсөн наймдугаар сараас хойш кинотеатруудын дэлгэцнээ олны хүртээл болсон монгол кинонуудыг орлогороо тэргүүлж байгаа юм. Тодруулбал, есдүгээр сарын 12-нд нээлтээ хийсэн уг кино нийтдээ 657,690,000 төгрөгийн орлого олсон байна.

Өнгөрсөн наймдугаар сараас хойш дэлгэцнээ гарч, олны хүртээл болсон монгол кинонуудыг орлогоор нь жагсаавал:

• Зэрлэг цэцэгсийн хүлэмж 657,690,000
• Микроны босс 503,067,873
• Ганц бие бүсгүйчүүд 256,794,247
• Тагнуулч аав 220,343,000
• Голланд сарнай  65,330,587
• Муушгийг таван гар тоглох албагүй 38,508,000
• Дуудлага /Тэнгис /11,195,000
• Аягүй тэнэг ээ 13,091,000 төгрөгийн орлого олсоноор эхний байруудад жагсаж байна.